Gjashtë nxënës të shkollës së mesme “Zef Lush Marku” janë përzgjedhur në Top 53 idetë më të mira të biznesit në garën kombëtare të organizuar nga Brainster Next dhe NU Academy.
Në këtë konkurs inovativ, ku morën pjesë qindra ekipe të rinjsh nga e gjithë Maqedonia, nxënësit e “Zef Lush Marku” arritën të dallohen me kreativitetin, vizionin dhe aftësinë për të zhvilluar ide të reja biznesi. Gara ka një çmim kryesor prej 1,000,000 denarësh, i cili do t’i mundësojë fituesve të realizojnë projektin e tyre në praktikë.
Aktualisht, gara ndodhet në fazën e votimit publik, dhe idetë e përzgjedhura mund të mbështeten nga qytetarët deri më 16 nëntor.
Çdo votë ka rëndësi!
Mbështetja nga publiku mund t’i ndihmojë nxënësit e “Zef Lush Marku” të kalojnë në fazën finale, ku do të kenë mundësinë të prezantojnë idenë e tyre para jurisë profesionale dhe investitorëve potencialë.
“Ky është një sukses që tregon për talentin, përkushtimin dhe kreativitetin e nxënësve tanë. I inkurajojmë të gjithë qytetarët të votojnë dhe t’i japin mbështetjen e tyre rinisë inovative,” – theksojnë nga shkolla.
Votoni këtu dhe përkrahni të rinjtë tanë: https://milioner.mk/vote/7c2ddf01-4323-433d-ae9b-4b4d79b08734
