Autoritetet spanjolle dhe portugeze janë vënë në gatishmëri pas kërcënimit nga stuhia Leo, duke pezulluar mësimin në disa zona dhe duke paralajmëruar qytetarët për udhëtime të rrezikshme, vetëm një javë pas stuhisë Kristin, që shkaktoi shkatërrime në Gadishullin Iberik.
Agjencia shtetërore meteorologjike e Spanjës, AEMET, parashikon se disa zona në Sierra Grazalema në jug mund të përjetojnë reshje të barabarta me një vit të tërë rreshjesh nga kjo stuhi.
Portugalia ka ngritur nivelin e gatishmërisë dhe ka dërguar forcat e armatosura në zonat ku parashikohet të ketë përmbytje. Pamjet tregojnë fusha të përmbytura në Jerez dhe Cortes de la Frontera në Spanjë, rrugë dhe makina të mbuluara nga uji, ndërsa autoritetet evakuan banorët.
Spanja regjistroi 119.3 mm reshje në janar, duke e bërë janarin e dytin më të lagësht të shekullit 21, sipas Ministrisë së Mjedisit. Zona me rrezik të lartë përfshijnë Grazalema, Campo de Gibraltar, Ronda dhe pjesë të Jaen, ku banorët morën paralajmërime për reshje të mëdha të mundshme.
