Ish avokatja e lartë e Ushtrisë Izraelite, Gjeneralmajorja Yifat Tomer-Yerushalmi, u arrestua pasi akuzohet se është përgjegjëse për publikimin e një videoje ku tregoeht abuzimi I rëndë I një të burgosuri palestinez nga ushtarët izraelitë.
Avokatja e Përgjithshme Ushtarake e Forcave të Mbrojtjes së Izraelit kishte dhënë dorëheqjen javën e kaluar, duke mbajtur përgjegjësi të plotë për rrjedhjen e informacionit.
Por ngjarjet morën një kthesë të errët të dielën, kur Yerushalmi u raportua e zhdukur dhe policia nisi një kërkim disa orësh në very të Tel Avivit. Ajo u gjet më vonë shëndosh e mirë, por u dërgua në paraburgim.
Historia është kthyer në një sagë të gjatë, me akuza dhe deklarata të forta. Videoja në fjalë u transmetua që në gusht të vitit 2024 në një kanal izraelit lajmesh dhe tregonte ushtarë rezervë në bazën ushtarake Sde Teiman në Izraelin jugor duke marrë mënjanë një të ndaluar palestinez, për ta dhunuar në mënyrë brutale.
Pesë rezervistë u akuzuan më pas për abuzim të rënduar dhe shkaktim të lëndimeve të rënda trupore ndaj të ndaluarit, por ata i kanë mohuar akuzat dhe nuk janë emëruar dhe kanë kërkuar pushimin e gjyqit.
Ndërkohë palestinezi I dhunuar, u lirua në tetor si pjesë e marrëveshjes mes Izraelit dhe Hamasit për shkëmbimin e pengjeve dhe të burgosurve që mbahedhin nga Izraeli pa akuza.
Hetimi për publikimin e videos nisi vetëm javën e kaluar dhe ministria e mbrojtjes e bëri të qartë se Yerushalmi nuk do të lejohej të kthehej në detyrë.
Ajo konfirmoi se miratoi publikimin në media të materialit në një përpjekje për të kundërshtuar propagandën e rreme kundër autoriteteve të zbatimit të ligjit të ushtrisë.
Këtë ngjarje kryeministri izraelit Benjamin Netanyahu e quajti ndoshta sulmin më të rëndë të marrëdhënieve me publikun që Shteti i Izraelit ka përjetuar që nga themelimi i tij.
Zhvillimet më të fundit në Izrael ndodhin teksa shtetet e rajonit dhe jo vetëm, përpiqen të sigurojnë që armëpushimi në Gaza të vazhdojë.
Ministrat e jashtëm të vendeve arabe dhe myslimane u mblodhën në Stamboll për të diskutuar hapat e radhës për çështjen palestineze. Ministri I Jashtëm turk Hakan Fidan tha se po punohet ende për një mandat të Këshillit të Sigurimit të OKB për një forcë ndërkombëtare stabilizimi në Gaza. Ai shtoi se ka disa probleme me zbatimin e marrëveshjes së armëpushimit, pasi Izraeli e ka shkelur disa here.
Turqia, anëtare e NATO, ka qenë një nga kritikët më të zëshëm të sulmit dyvjeçar të Izraelit në Gaza, duke e quajtur atë një gjenocid, të cilin Izraeli e mohon.
