Një hetim ndërkombëtar ka sjellë sot arrestimin e gjyqtarit të njohur serb të basketbollit, Uros Nikoliç, një lajm që është konfirmuar edhe zyrtarisht.
Sipas “RTS”, gjyqtari 39-vjeçar është arrestuar si pjesë e një hetimi ndëkrombëtar në shtete të ndryshme, me 10 arrestime të kryera gjatë ditës së sotme. Atij i janë gjetur në banesë 250 mijë euro që besohet se janë fryt i aktivitetit kriminal në të cilin është përfshirë.
Nikoliç është një nga emrat më të njohur në basketbollin serb dhe europian, pasi ka qenë vazhdimisht pjesë e trupave drejtuese në ndeshjet e Final 4 të Euroligës. Në këtë sezon ai kishte drejtuar 4 ndeshje në Euroligë, të gjitha me skuadra me emër: Panathinaikos-Bajern, Real Madrid-Olimpiakos, Hapoel Tel Aviv-Makabi Tel Aviv dhe Dubai Basketboll-Bajern Mynih.
