Nëse shkruan 50, ndërsa ju drejtoni 80, ose nëse është tashmë e verdhë dhe ju shtoni gazin për të kaluar më shpejt, dënimi do t’ju ndjekë dhe do të merrni një mesazh, por edhe në kutinë postare. Do të jenë të kota të gjitha telefonatat me miqtë, sepse numri i sistemit nuk do ta keni. Një i tillë nuk ekziston.
Kamerat e “Safe City” do të filmojnë rreth 100 bulevarde dhe kryqëzime, rrugë më të vogla dhe më të mëdha. 90 për qind e instalimit dhe montimit tashmë është përfunduar, dhe për më pak se dy muaj, policia do ta vendosë plotësisht sistemin e “Qytetit të Sigurt”.
– Kalimi në dritë të kuqe dhe tejkalimi i shpejtësisë do të jenë shkeljet kryesore që do të ndëshkohen përmes mbikëqyrjes video, dhe askush nuk do të mund të shmangë dënimin nëse nuk respekton rregullat dhe ligjet e trafikut – thotë shefi i SPB-së Shkup, Sasho Topallovski, për televizionin Alfa.
