Në 12 orët e para të funksionimit provë të sistemit, u regjistruan 65,000 shkelje, nga të cilat 2,800 ishin për kalim të semaforit të kuq dhe 1,000 ishin për drejtim të një makine të paregjistruar. Kjo shifër alarmante sipas MPB-së konfirmon edhe një herë domosdoshmërinë dhe justifikimin e sistemit, nga i cili presin një përmirësim të ndjeshëm në kulturën e trafikut, rritje të sigurisë për të gjithë pjesëmarrësit në trafik dhe një ulje të dëmeve dhe viktimave në rrugë, transmeton Portalb.mk.
“Me lançimin e këtij sistemi, po dërgojmë një mesazh të qartë – siguria e qytetarëve është një përparësi kryesore. Nuk ka tolerancë për drejtim të pakujdesshëm, pavarësisht nëse është në një zonë urbane apo në rrugë të hapur. ‘Qyteti i Sigurt’ është një projekt që mbron jetët dhe rikthen disiplinën në trafik”, theksoi ministri Toshkovski.
Ministria e Brendshme do të vazhdojë testimin dhe përmirësimin e sistemit, me qëllim funksionimin e tij të plotë në fazën tjetër.
Ministri i Punëve të Brendshme Pançe Toshkovski këto i deklaroi gjatë vizitës së sotme të objektit ku ndodhet sistemi qendror “Qyteti i Sigurt”, me rastin e fillimit të periudhës provë në të cilën autorët e shkeljeve të trafikut do të marrin njoftime për shkeljen e kryer.
Kamerat “Qytet i Sigurt” të instaluara në udhëkryqet e Shkupit do të regjistrojnë automatikisht shkeljet e trafikut duke filluar nga sot, 1 dhjetor. Ministria e Brendshme po lançon sistemin “Qytet i Sigurt, Shtet i Sigurt”. Periudha provuese do të zgjasë deri në Vitin e Ri, ndërsa gjobat e para duhet të mbërrijnë më 1 janar.
“Kryesit e shkeljeve që do të dokumentohen përmes sistemit të Qytetit të Sigurt do të sanksionohen në përputhje me një dispozitë që rregullon shpejtësinë maksimale të lejuar të automjeteve, gjegjësisht nuk do të ketë tolerancë pavarësisht nëse shkelja dokumentohet në një zonë të populluar apo jashtë një zone të populluar”, thotë Goce Andreevski, zëdhënës i Ministrisë së Brendshme.
Çdo pronar i një automjeti shkelja e të cilit do të dokumentohet do të marrë njoftim me SMS dhe email me një link, ku mund të shkarkojë procesverbalin dhe një urdhër pagese. Nga momenti i marrjes, ka një periudhë prej tetë ditësh për të paguar gjysmën e gjobës. Pas skadimit, shuma duhet të paguhet e plotë brenda tetë ditëve të ardhshme, para se të fillojë procedura për mbledhjen me forcë.
Gjobat mund të paguhen edhe elektronikisht, dhe sistemi do të njoftojë menjëherë Ministrinë e Brendshme se gjoba është paguar. Ministria e Brendshme shpjegon se sanksionimi do të jetë në përputhje me Ligjin për Sigurinë në Trafikun Rrugor, i cili, me ndryshimet e fundit, lejon dokumentimin e shkeljeve me kamera, pa tolerancë dhe kudo që të regjistrohet – në qytet ose në autostradë.
“Në periudhën fillestare, do të regjistrohen shkeljet e trafikut si: drejtimi i automjetit me shpejtësi që tejkalon shpejtësinë e lejuar, kalimi i semaforit të kuq, leja e trafikut e skaduar dhe automjetet e parkuara në mënyrë të paligjshme, dhe në fazën tjetër të projektit, planifikohet të zgjerohet lloji i shkeljeve të trafikut që sistemi elektronik do të regjistrojë”, thotë Andreevski.
Në vitet e fundit, qytetarët kanë qenë dëshmitarë të një serie përplasjesh fatale të këmbësorëve, më shpesh në një vendkalim për këmbësorë, nga shoferë që ngasin disa herë më shpejt se sa lejohet. Një problem shtesë është parkimi në vende të paligjshme dhe bllokimi i trotuareve dhe shtigjeve për biçikleta.
3 muaj më parë, Ministri i Brendshëm Pançe Toshkovski njoftoi se fillimisht, Shkupi, Tetova dhe Kumanova do të përfshihen me kamera, si dhe autostradat dhe rrugët eksprese përgjatë korridoreve “8” dhe “10”.
Pritet që deri në mesin e vitit të ardhshëm, i gjithë territori i vendit të jetë i mbuluar.
Teknologjia nuk do të ketë mëshirë për shkelësit, dhe qëllimi është një trafik më i rregullt dhe më i sigurt.
Nëse kamerat do t’i sjellin shoferët në vete, do të shihet në javët e para të sistemit, i cili do të fillojë të regjistrojë dhe paralajmërojë nga nesër, dhe duke filluar nga viti i ri, do të ndëshkojë edhe ata.
Synimi është që deri në vitin 2030 të zvogëlohet dhe të përgjysmohet numri i aksidenteve në trafik.
Zbatimi i projektit “Qyteti i sigurt”, i cili në fazën e parë, përveç në Shkup, do të zbatohet edhe në Tetovë dhe Kumanovë.
