Kryetari i tifo grupit “Shvercerat”, Fatmir Jashari, ka reaguar ndaj përfshirjes së politikanëve në situatën aktuale të klubit futbollistik Shkupi. Ai ka bërë apel që emri i klubit të mos përdoret për përfitime politike momentale.
“Sidomos këtë e them për z. Bujar Osmani të cilin nuk e njohim prej dje. 12 vite ka qenë herë ministër e herë zv/kryeministër, por asnjëherë nuk është interesuar as për klubin tonë e as për ne Shvercerat. 12 vite ka treguar zero interes, prandaj sot nuk ka të drejtë morale ta përmend emrin e klubit tonë për përfitime momentale politike,” theksoi Jashari.
Ai shtoi se Shkupi nuk është fletushkë zgjedhore, por “histori, gjak dhe dashni”, duke bërë thirrje që të ndalet politizimi i klubit.
