Personi që drejtonte Tesla Cybertruck që shpërtheu jashtë hotelit Trump në Las Vegas ishte një ushtar aktiv i forcave speciale amerikane dhe qëlloi veten para shpërthimit, sipas autoriteteve.
Policia ka identifikuar Matthew Alan Livelsberger, 37 vjeç, nga Kolorado, si shoferin e automjetit, të cilin e mori me qira më shumë se 800 milje larg dhe e çoi para hotelit në mëngjesin e shpërthimit.
Shkaku i vdekjes së zLivelsberger ishte vetëvrasja nga një plagë e vetëshkaktuar me armë zjarri, sipas mjekëve. Shtatë persona u plagosën kur automjeti shpërtheu në ditën e Vitit të Ri.
Autoritetet thanë se ende nuk kanë përcaktuar ndonjë motiv për ngjarjen. Hetuesit gjetën një letërnjoftim ushtarak, një pasaportë, dy pistoleta gjysmë automatike, fishekzjarre, një iPhone, një orë inteligjente dhe disa karta krediti në emrin e Livelsberger nga automjeti i djegur.
