Më 30 janar 2025, në ambientet e Drejtorisë për Mbrojtje dhe Shpëtim (DMSH), drejtori Xhevat Selami mbajti një takim pune me Komisionin për miratimin e blerjes së pajisjeve kundër zjarrit për njësitë e zjarrfikësve. Në takim ishin të pranishëm kryetari i komisionit Dimçe Mitevski, anëtari i komisionit Agron Baftijari nga DMSH, si dhe përfaqësues të ZELS – anëtarë të komisionit kryetarët e komunave të Shtipit dhe Radovishit, Ivan Jovanov dhe Aco Ristov.
Tema kryesore e takimit ishte shpërndarja e pajisjeve të reja kundër zjarrit, e cila përfshin 20 kamera termike dhe 80 aparate izoluese (frymëmarrëse). Këto pajisje janë jetike për mbrojtjen dhe shpëtimin nga zjarret, veçanërisht në zonat urbane.
Shpërndarja e pajisjeve:
• Drejtoria për Mbrojtje dhe Shpëtim – 3 kamera termike për ekipet e reagimit të shpejtë;
• Qyteti i Shkupit – 4 kamera termike dhe 20 aparate izoluese;
• Komuna e Manastirit – 1 kamerë termike dhe 5 aparate izoluese;
• Komuna e Kumanovës – 1 kamerë termike dhe 5 aparate izoluese;
• Komuna e Tetovës – 1 kamerë termike dhe 5 aparate izoluese;
• Komuna e Prilepit – 1 kamerë termike dhe 4 aparate izoluese;
• Komuna e Velesit – 1 kamerë termike dhe 5 aparate izoluese;
• Komuna e Kavadarit – 1 kamerë termike dhe 5 aparate izoluese;
• Komuna e Gjevgjelisë – 1 kamerë termike dhe 5 aparate izoluese;
• Komuna e Strumicës – 1 kamerë termike dhe 5 aparate izoluese;
• Komuna e Kërçovës – 1 kamerë termike dhe 4 aparate izoluese;
• Komuna e Ohrit – 1 kamerë termike dhe 4 aparate izoluese;
• Komuna e Koçanit – 1 kamerë termike dhe 4 aparate izoluese;
• Komuna e Shtipit – 1 kamerë termike dhe 5 aparate izoluese;
• Komuna e Gostivarit – 1 kamerë termike dhe 4 aparate izoluese.
Ky investim do të përmirësojë ndjeshëm kapacitetin e njësive të zjarrfikësve në vend, duke i mundësuar atyre një mbrojtje më të mirë gjatë përballjes me zjarret. Kamerat termike do të ndihmojnë në lokalizimin më të shpejtë të burimeve të zjarrit, ndërsa aparatet izoluese do të sigurojnë mbrojtje në mjedise të mbushura me tym dhe substanca toksike.
Drejtoria për Mbrojtje dhe Shpëtim theksoi se kjo shpërndarje është bërë sipas nevojave të secilës komunë dhe se do të vazhdojë me përpjekjet për modernizimin e pajisjeve me qëllim rritjen e sigurisë së qytetarëve dhe zjarrfikësve në të gjithë vendin.
#GjithmonTëPëgatitur
