Richard Grenell, i cili mori zyrtarisht detyrën e emisarit për misione të posaçme të SHBA, është ndalur edhe një herë tek shpenzimet, sipas tij alarmante, që bën USAID në Ballkanin Perëndimor.
“Amerikanët e palodhur paguajnë taksa, kurse politikanët në Uashington i shpenzojnë ato para në mënyrë të pamatur”, pohon Grenell në rrjetin social X.
Sipas tij, miliarda dollarë u janë dhënë OJQ-ve të krahut të majtë për të nxitur politika radikale në vende të tjera. Të dhënat e shpërndara nga Grenell tregojnë se USAID ka shpenzuar 537 milion dollarë në Kosovë përgjatë 4 viteve, ndërsa në Shqipëri 189 milionë dollarë.
Totali i shpenzimeve në të gjitha vendet e Ballkanit Perëndimor janë 1.7 miliardë dollarë. Sekretari amerikan i shtetit Marco Rubio njoftoi më herët se ka marrë postin e ushtruesit të detyrës së drejtorit të Agjencisë Amerikane për zhvillim ndërkombëtar (USAID), e cila sipas tij ka qenë krejtësisht e papërgjegjshme.
Siç është raportuar, presidenti Trump ka urdhëruar mbylljen e USAID, me punonjësit që u njoftuan të hënën të qëndronin në shtëpi…
