Deputeti dhe kreu i Partisë Demokratike Turke, Bejxhan Iljas që ishte pjesë e Frontit Europian në zgjedhjet e fundit parlamentare duket se është një nga emrat që tashmë po lëshon opozitën për të kaluar në shumicën parlamentare, shkruan BLIC.MK
Edhe pse edhe më herët ishte përfolur për të se po kalon në pozitë, fotot e fundit të kapura mbrëmë në Pallatin e Kulturës në Tetovë tregojnë një realitet ndryshe. Iljas është parë ulur në rreshtin e parë krah kryetarit të Lëvizjes Besa, Bilall Kasami në një event në Tetovë.
Partia Demokratike Turke ka vetëm një deputet në parlament dhe gjithmonë njihet se ka përkrahur politikat qeveritare dhe asnjëherë nuk ka qenë në opozitë, e tash Iljas duket se po ndryshon politikë, duke u bë pjesë e shumicës parlamentare.
