Gjykata Themelore Penale në Gostivar ka dhënë një vendim problematik të shkallës së parë lidhur me lirinë e shprehjes dhe informimit. Në vendimin e marrë më 12.01.2026, personi i akuzuar Liridon Vejseli u shpall fajtor për “keqpërdorim të të dhënave personale” sipas nenit 149, paragrafi 1 i Kodit Penal. Në aktakuzë thuhet se Vejseli, më 28.10.2024, pa pëlqimin e gjyqtarit, publikoi emrin dhe mbiemrin e një gjyqtari në Instagram dhe TikTok, duke i përdorur këto të dhëna në mënyrë që, sipas gjykatës, i shkaktoi dëm nderit dhe reputacionit të tij si gjyqtar që ka punuar mbi 37 vjet në Gjykatën Themelore në Tetovë. 
Të ngjajshme
Stoilkoviqi del huq, Komisioni i shkallës së dytë rikthen në punë shtatë administratorët shqiptarë
SHGM vlerëson se ky vendim dërgon një sinjal shumë negativ për lirinë e shprehjes dhe mediat në vend. Sipas organizatës, ** kriminalizimi i publikimit të emrave të personave publikë**, sidomos gjyqtarëve, rrit presionin ndaj gazetarisë dhe mund të ndikojë në të drejtën e publikut për të informuar. 
SHGM ka ofruar ndihmë juridike për Vejselin dhe do të ndjekë me kujdes procesin në shkallë të apelit. Ka mundësi që vendimi të rishqyrtohet nga instancat më të larta, por SHGM thekson se rasti përsëri nënvizon problemet me vendimet individuale të gjykatave që mund të ndikojnë tek mediat dhe liria e tyre. 
Organizata gjithashtu thekson se emri dhe mbiemri i gjyqtarit janë të dhëna publike, dhe për këtë arsye është absurde të konsiderohet se publikimi i tyre në rrjetet sociale i cenon të drejtën e privatësisë.
