Një avion i Delta Air Lines rrëshqiti dhe doli nga pista e uljes në Aeroportin Ndërkombëtar Des Moines në Iowa pasi ajo ishte mbuluar e me akull në orën 9:30 të mbrëmjes sipas kohës lokale të shtunën, ndërsa një stuhi e madhe dëbore përfshiu Midwest-in.
Të gjithë 58 pasagjerët u transportuan shëndoshë e mirë nga avioni pa u raportuar për lëndime, sipas Menaxheres së Komunikimit të Aeroportit Ndërkombëtar Des Moines, Sarah Hoodjer.
Avioni po udhëtonte nga Detroit, Michigan për në Des Moines, Iowa pa probleme deri në ulje.
Delta Air Lines lëshoi një deklaratë duke thënë se, “Siguria vjen para çdo gjëje tjetër dhe u kërkojmë ndjesë klientëve tanë për përvojën.”
Në këtë kohë aeroporti nuk është i hapur për operacione të rregullta, por pritet të rihapet deri në mesditë e ditës së ardhshme.Stuhia e fuqishme dimërore përfshiu pjesë të SHBA-së Qendrore këtë fundjavë me reshje të dendura dëbore, duke shkaktuar ankthe udhëtimi për miliona njerëz ndërsa kthehen në shtëpi nga festa e Falënderimeve.
Mbi 1,000 fluturime për në dhe nga aeroportet e Çikagos u anuluan brenda 24 orëve, me më shumë ndërprerje që priten gjatë kësaj fundjave.
