Zv.ministrja, Safije Sadiki Shaini, ka bërë të ditur sot mbylljen përfundimtare të deponisë famëkeqe të Nikushtakut, pas 24 vitesh ndotje të ajrit, tokës dhe ujit.
Ajo theksoi se ky ishte një problem kronik që për gati një çerek shekulli rrezikoi shëndetin e banorëve të Nikushtakut, Haraçinës, Grushinës dhe Orllancës, si dhe shkaktoi dhjetëra aksidente nga tymi helmues.
“Me qeverinë VLEN, brenda vetëm një viti arritëm ta zgjidhim këtë çështje, ndërkohë që BDI për dy dekada nuk bëri asgjë, edhe pse i kishte të gjitha mundësitë. Tashmë kjo zonë do të pastrohet, sanohet dhe gjelbërohet, duke u kthyer në harmoni me natyrën”, deklaroi Shaini Sadiku.
Ajo kujtoi se më 2 shtator 2023, në cilësinë e deputetes dhe nënkryetares së Alternativës, kishte bërë një reagim publik nga kjo zonë, ku kërkoi dislokimin urgjent të deponisë, duke paralajmëruar rreziqet serioze për jetën e qytetarëve.
“Mbyllja e deponisë së Nikushtakut është një betejë e fituar për qytetarët tanë. Ky është dallimi mes premtimeve boshe dhe veprimit konkret”, përfundoi zv.ministrja e Sportit.
