Kampionati italian ka hyrë në fazën përfundimtare dhe katër xhirot e fundit do të përcaktojnë fatin e kampionit të ri.
Napoli dhe Interi janë në betejë të ashpër pasi kanë pikë të barabarta (71), por nerazurët kanë një ndeshje më shumë, raporton KosovaPress.
Skuadra e Romës shënoi fitore në xhiron e 34 kundër Interit në udhëtim me rezultat 1:0, me golin e Matias Soule në minutën e 22-të, pas asistimit të Shomurodov.
Pas kësaj fitoreje, Roma forcohet në pozitën e pestë në tabelë me 60 pikë, e cila i siguron dalje në njërin nga edicionet e ardhshme të ligave evropiane.
Në ndeshjet e tjera, Como 1907 mposhti si vendës Genoa me rezultatin 1:0. Milan ishte më i mirë në udhëtim se Venezia me rezultat 2:0. Fiorentina me mjaft vështirësi mposhti si vendës Empolin me rezultatin 2:1.
Sonte luajnë edhe Juventus-Monza, Atalanta-Lecce dhe Napoli-Torino. Xhiroja e 34-të e Serie A përmbyllet të hënën me duelet Udinese-Bologna, Hellas Verona-Cagliari dhe Lazio-Parma.
