Nga data 1 nëntor 2025, në të gjitha auto shkollat e Shkupit do të hyjë në fuqi çmimorja e re për marrjen e patent shoferit të kategorisë “B”, vendim ky i miratuar në mbledhjen përfundimtare të Shoqatës së Auto Shkollave të Shkupit.
Sipas rregullores së re, tarifat për trajnim do të jenë si më poshtë:
🟢 Teoria dhe praktika: 33.000 denarë
🟢 Dy orë plotësuese në ditë: 2.000 denarë
🟢 Përdorimi i veturës për provim: 1.500 denarë
Në lidhje me këtë vendim, Bekim Sejfullahu, pronar i Auto Shkollës BEKO dhe anëtar aktiv i Shoqatës së Auto Shkollave të Shkupit, thekson se rritja e çmimeve është një hap i domosdoshëm drejt përmirësimit të cilësisë dhe sigurisë në procesin e aftësimit të kandidatëve.
“Kjo rritje e çmimit bëhet me qëllim të modernizimit të mjeteve të punës, vetëm e vetëm që kandidatët të kenë kushtet maksimale për t’u aftësuar dhe për t’u përballur me sfidat në komunikacion,” – ka deklaruar Sejfullahu për Gazeta.mk.
Auto Shkolla BEKO, e njohur për profesionalizmin, disiplinën dhe trajnimet e personalizuara, tashmë ka ndërmarrë hapa konkret drejt modernizimit:
✅ Investime në automjete të reja dhe ekologjike,
✅ Përdorim të sistemeve interaktive për mësim teorik,
✅ Krijimin e kushteve bashkëkohore për zhvillimin e praktikës në terren.
Sipas Sejfullahut, qëllimi është i qartë, të përgatiten drejtues të përgjegjshëm, të sigurt dhe të vetëdijshëm në rrugë, në përputhje me standardet më të larta evropiane.
