Zëvendëskryeministri i Parë i Qeverisë dhe Ministër për Çështje Evropiane, Bekim Sali ka mbërritur në Kiev të Ukrainës, ku do të qëndrojë për vizitë zyrtare pune.
“Sot fillova vizitën time zyrtare në Kiev, Ukrainë, për të riafirmuar mbështetjen tonë për sovranitetin, integritetin territorial dhe të drejtën e Ukrainës për të jetuar në liri”, njofton Sali.
Paraprakisht, nga Ministria njoftuan se në kuadër të vizitës, ministri Sali do të marrë pjesë në ceremoninë përkujtimore për mbrojtësit e rënë të Ukrainës, si dhe do të zhvillojë takime të nivelit të lartë me përfaqësues të institucioneve ukrainase përgjegjëse për integrimin evropian dhe euroatlantik.
Kujtojmë se sot shënohet 4-vjetori i nisjes së luftës mes Ukrainës dhe Rusisë.
