Rusia dhe Ukraina lëshuan më shumë se një duzinë drone në territoret e njëra-tjetrës për të dytën ditë radhazi, njëri prej të cilëve me sa duket synonte një aeroport ushtarak rus, ndërsa një civil ukrainas u vra pasi mbeturinat e dronit u përplasën në shtëpinë e tij pranë Detit të Zi.
Të paktën 35 dronë ukrainas u rrëzuan gjatë natës mbi tre rajone në Rusinë jugperëndimore, tha ministria ruse e Mbrojtjes në një postim në Telegram, raporton Guardian.
Një bazë ajrore ruse që pret një aeroplan bombardues të përdorur në Ukrainë ishte në mesin e objektivave, sipas një kanali rus kritik ndaj Kremlinit. Kanali postoi video të shkurtra të dronëve që fluturonin mbi banesa të ulëta në atë që pretendonte se ishte qyteti rus i Morozovsk, baza ajrore e të cilit është shtëpia e regjimentit 559 të aviacionit bombardues të Rusisë.
Vasily Golubev, guvernatori i provincës Rostov të Rusisë, raportoi gjithashtu “sulme masive me dron” pranë Morozovsk dhe një qytet tjetër më në perëndim, por nuk përmendi bazën ajrore. Golubev tha se shumica e dronëve u rrëzuan dhe nuk pati viktima. Ai nuk ka komentuar për dëme.
