Rriten zërat kundër përfshirjes së Elon Musk në politikat e vendeve evropiane. Pas reagimit të kryeministrit të Norvegjisë, vjen ai i presidentit të Francës. Emmanuel Macron shprehu shqetësimin e tij për qëndrimin e Elon Musk, duke e akuzuar këtë të fundit për ndërhyrje të drejtpërdrejtë në proceset demokratike të Evropës, në funksion të zgjedhjeve të parakohshme federale në Gjermani muajin e ardhshëm.
Sipas The Guardian, së bashku me Macron, kryeministrat e Norvegjisë dhe Britanisë, si dhe një përfaqësues i qeverisë gjermane, kanë reaguar ashpër ndaj postimeve provokuese të Musk në rrjetet sociale. Këto postime Musk mbështet partitë e ekstremit të djathtë dhe sulmon politikanët e krahut të majtë në të gjithë Evropën.
