Rinia e Vrapçishtit me aksione guerile është ngritur kundër ish-kryetarit Isen Shabani, me akuza për keqpërdorime dhe kërkesë për ndryshim.
Dhjetëra parulla të shkruara janë vendosur në fshatra të ndryshme të Vrapçishtit gjatë natës së mbrëmshme, duke ngritur zërin kundër shitjes së pronave publike nga kryetari i deridjeshëm i Vrapçishtit Isen Shabani.
“Gradeci nuk do kryetar që shet toka”, “Isenit ja jep votën, ai ta merr tokën”, “Dobërdolli nuk do kryetar që e shanë hoxhën”, ishin disa nga parullat e vendosura në lokacione të ndryshme në Vrapçisht.
Isen Shabani përballet me akuza se ka shitur mijëra hektarë tokë publike në procedura të dyshimita. Më 11 janar janë zgjedhjet lokale në Vrapçisht, ndërsa vërehet mobilizim i madh për ndryshim.
Kundërkandidat i Isen Shabanit është kandidati i pavarur Zulhajrat Demiri, i përkrahur nga VLEN-i dhe ASH-ja e Selës.
