Go Ahead Eagles hyjnë në historinë e futbollit falë…zëvendësimeve. në ndeshjen kundër Rodas në Kupën e Holandës që e fitoi me 11 metërsha pasi koha e rregullt dhe ajo shtesë u mbyllën 1-1, Go Ahead Eagles kreu plot 8 zëvendësime.
Nuk ka asnjë gabim arbitrar, nuk do të ketë asnjë skualifikim pasi gjithçka është e rregullt pasi klubi e shfrytëzoi në mënyrën më të mirë të mundshme rregulloren. Për të kuptuar sesi Go Ahead Eagles mundën të kryenin 8 zëvendësime në një ndeshje zyrtare duhet analizuar ndeshja në tërësinë e saj. Në 90 minutat e kohës së rregullt, trajneri Boel përdori të 5 zëvendësimet duke i shpërndarë mes pjesës së parë dhe të dytë. Në kohën shtesë, rregullorja lejon edhe një zëvendësim të 6. Deri këtu gjithçka sipas normës.
Surpriza vjen pas një përplasjeje në lojën në ajër që përfshiu sulmuesin e Eagles Sivertsen dhe mbrojtësin e Rodas, Koen Jansen me të dy futbollistët që dolën nga fusha për shkak të goditjes së marrë në kokë. Në këtë pikë hyn në lojë i ashtuquajturi ‘Zëvendësimi i bardhë’ (apo concussion sub), një rregull që ka hyrë në fuqi për mbrojtjen e shëndetit të lojtarëve që lejon zëvendësimin shtesë pa prekur rregullat standarde. Kështu zëvendësimi i Sivertsen ishte i 7 për Go Ahead Eagles.
Zëvendësimi i 8 dhe i fundit ishte aktivizimi i Julius Dirksen, falë një klauzole tjetër të rregullores; për të ruajtur ekuilibrin sportiv, kur një skuadër përdor zëvendësimin per traumë të kokës, në mënyrë automatike edhe kundërshtari e fiton një zëvendësim ekstra. Edhe Roda e shfrytëzoi zëvendësimin e bardhë për Jansen. Më pas Go Ahead Eagles fituan edhe një tjetër zëvendësim duke plotësuar kështu kuadër të rregullorës që e shndërroi këtë ndeshjë në një rast studimi të paprecedentë. Me të vërtetë një rekord.
