Edona Lalloshi është pjesë e legjislaturës së nëntë të dalë nga zgjedhjet parlamentare në Kosovë.
Këngëtarja e njohur në garën e 9 shkurtit ka marrë rreth 45 mijë vota.
Ajo sot shkoi në Kuvend për t’u regjistruar si deputete e Lëvizjes Vetëvendosje.
Lalloshi shprehet e lumtur që do të jetë pjesë e legjislativit të ardhshëm vendor.
“Jam shumë e lumtur. Sot është një ditë e jashtëzakonshme për mua dhe familjen time. Do të presim në ditët në vazhdim. Përgjigje për momentin tjetër nuk kam. Do të mundohem të jap maksimumin për vendin tim për komunitetin artistik, artin dhe në përgjithësi”, ka thënë Llalloshi.
Më 15 prill do të mbahet mbledhja konstituive e Kuvendit të Kosovës. Lëvizja Vetëvendosje ka 48 deputetë dhe nënkryetari kësaj partie tha se do të jetë e vështirë formimi i qeverisë pa koalicion qeverisës.
Krejt kundër është shprehur Albulena Haxhiu, e cila ka thënë se LVV-ja do ta formojë e vetme qeverinë ose do të shkohet në zgjedhje të reja.
PDK-ja ka shprehur gatishmërinë të formojë qeverinë me LDK, AAK-në e Nismën nëse LVV-ja dështon ta krijojë qeverinë. PDK ka 24 ulëse, LDK 20, AAK-NISMA 8.
Për zgjedhjen e qeverisë së re nevojiten 61 vota. /Kosovapress
