Postimi i njërit prej liderëve të koalicionit AKI, Arben Taravari, me mesazhin optimist “Drejt tetorit të fitores”, ka nxitur reagime të shumta negative në rrjetet sociale.
Në vend të mbështetjes, hapësira e komenteve u mbush me kritika dhe zhgënjim nga qytetarët. Shumë prej tyre e paralajmëruan se “veprimi që more do të ndeshkohet nga sovrani në tetor, respektivisht nga votuesi”.
Komentues të tjerë ironizuan me orientimin politik të Taravarit, duke e lidhur me figura të vjetra politike: “Drejt rrugës së Menduhit e Zijadinit, kismet po”.
Një pjesë e qytetarëve shprehën ndjenjën e braktisjes dhe zhgënjimit: “Zgjedhje po, zgjidhje jo. Asnjëherë s’po na dëboni prej trojeve tona”, ndërsa një tjetër koment e mbylli shkurt: “Karma ekziston”.
Kujtojmë se Taravari u shkëput nga koalicioni VLEN me pretendimet se nuk u lejua të garojë me lista të ndara për këshilltarë, por më pas u bashkua me partinën liderin e të cilës disa herë e ka quajtur njeri që ka probleme serioze me shëndetin mendor.
