Zëvendëskryetari i komunës së Tetovës, Albi Qamili ka thënë se vetdorëzimi i Artan Grubit është një moment ku shihet qartë se ai e ka pranuar realitetin politik në vend.
Në intervistën për Alsat-M, Qamili tha se BDI për 15 muaj ushqeu një narrativë se do të kthehet në pushtet dhe kushtimisht ta shpëtoj atë nga organet e drejtësisë.
“Mendoj se vetë arratisja e Grubit ishte me idenë se do të ketë zgjedhje të parakohshme parlamentare, do të vjen shpejt BDI në qeveri se ai do të shpëtojë dhe vetdorëzimi i tij është një pranim i realitetit politik se BDI nuk mund kthehet më në qeveri. Prandaj edhe reagimet e BDI-së janë konfuze, nga paniku se Artan Grubi mund të jetë siç e ka thënë koalicioni VLEN se ai mund të jetë kutia e zezë për BDI-në, për
liderin e saj Ali Ahmeti pasi e dimë se pazaret e errëta, marrëveshjet e errëta politike, protagonistë kryesor kanë pasur Artan Grubin”, ka thënë Qamili.
Sa i takon arrestit shtëpiak, sipas tij, kjo vjen si pasojë e asaj që vetë i pandehuri ka kontribuuar.
“E dimë se gjyqësori gëzon vetëm 2 për qind të besueshmërisë dhe e dimë fort mirë se si ka përfunduar në listën e zezë amerikane. Grubi bashkë me protagonistët tjerë ka kontribuuar në partizimin e skajshëm të gjyqësorit dhe sot përballemi po me ato elemente”, ka thënë Qamili.
Nuk mendoj se është marrëveshje VMRO-BDI
Sipas Qamilit, vetë Grubi e ka përdor gjyqësorin si element politiko-partiak, vetë fakti pse ai bashkë me
gjykatësin Enver Bexheti kanë përfunduar në listën e zezë, flet për partizimin e gjyqësorit, siç ishte rasti i
lirimit të Mijallkovit, vjetërsimi i lëndëve etj.
“Presim qasje më serioze nga organet e drejtësisë. Nuk mendoj se është ndonjë marrëveshje mes VMRO-së dhe BDI-së”, ka thënë Qamili.
