Ministria e Energjisë, Minierave dhe Burimeve Minerale informon se ka përfunduar procedura e përpunimit, vlerësimit dhe verifikimit të të gjitha aplikimeve të pranuara për mbështetje financiare përmes Programit 2025 për Mbrojtjen e Konsumatorëve të Cenueshëm të Energjisë.
Pas kontrolleve të detajuara të kryera nga komisionet dhe egzaminimit të të dhënave me
institucionet kompetente, është publikuar lista e të gjithë personave dhe amvisërive që kanë fituar të drejtën e subvencionit.
Vendimet e mbështetjes financiare janë marrë për këto kategori: amvisëri me një ose më shumë persona me aftësi të kufizuara të rënda ose të thellë intelektuale, amvisëri me një ose më shumë persona me aftësi të kufizuara të rënda fizike, amvisëritë me një ose më shumë persona plotësisht të verbër dhe amvisëritë me një ose më shumë persona plotësisht të shurdhër.
Komisionet e përfunduan procedurën e inspektimit dhe verifikimit në bashkëpunim me
Ministrinë e politikës sociale, demografisë dhe rinisë, Drejtorinë e të ardhurave publike dhe EVN Maqedoni. Sipas rezultateve, janë identifikuar përfituesit që plotësojnë kriteret e parashikuara nga Programi, ku subvencioni do të llogaritet si ulje mujore e faturës së energjisë elektrike në vlerën prej 1,000 denarë, për një periudhë prej 12 muajsh nga data e dorëzimit së kërkesës.
Lista e publikuar është në dispozicion në faqen e internetit të Ministrisë së Energjisë
(www.energy.gov.mk).
https://energy.gov.mk/mk-MK/odnosi-so-javnost/javni-oglasi/za-potrosuvacka-na-energija
Ministria rikujton se mospagesa e dy faturave të njëpasnjëshme të energjisë elektrike çon në shfuqizimin e vendimit të mbështetjes financiare, në përputhje me rregullat e Programit.
Mbështetja financiare shpërndahet sipas parimit të të ardhurave më të ulta në përputhje me mjetet buxhetore të përcaktuara. Programi për vitin 2025, i cili siguron gjithsej 42,300,000 denarë mbështetje shtetërore, synon të sigurojë energji të përballueshme dhe të besueshme për amvisëritë që përballen me varfëri energjetike, me fokus të veçantë tek personat me aftësi të kufizuara dhe përfituesit e ndihmës minimale të garantuar. Përveç kësaj, masat përfshijnë edhe lirimin nga shpenzimet për ri-lidhje, heqjen me prioritet të defekteve dhe mbrojtjen nga shkëputja gjatë periudhës së dimrit.
Ministria mbetet plotësisht e përkushtuar për avancimin e sigurisë energjetike dhe mbrojtjes sociale të qytetarëve.
Publikohet lista e amvisërive që do të përfitojnë subvencion për energjisë elektrike
