Është publikuar kënga e fushatës së kandidatit për komunën e Gostivarit nga VLEN, Nevzat Bejta për zgjedhjet lokale më 11 janar.
“Gostivari kërkon vizion dhe fjalë të vërtetë, një kryetar që njeh qytetin dhe çdo njeri të vetë…Gostivari meriton udhëheqje të fortë, zhvillim dhe stabilitet sot e përmotë…”, janë disa nga vargjet që interpretohen në këngën për Gostivarin e së ardhmes.
Nevzat Bejta qëndron në krye të këtij ndryshimi për zgjedhjet lokale më 11 janar.
Ai thekson se garon për zgjedhjet lokale për ta ndërprerë shkatërrimin e mëtejshëm të Gostivarit nën udhëheqjen e Arben Taravarit për këto 8 vite dhe se kthimin e tij e kërkojnë qytetarët, sepse siç ka thënë, “do bëjë shumë punë të mëdha”.
“Asnjëherë nuk jam shkëputur nga votuesi dhe presim me padurim fitoren më 11 janar”, ka thënë mes tjerash Nevzat Bejta.
Kundërkandidat i tij në zgjedhje është Valbon Limani nga AKI.
