Ministria e Energjisë, Minierave dhe Burimeve Minerale e informon opinionin publik se është publikuar lista e qytetarëve që kanë përmbushur kushtet sipas Thirrjes Publike për mbështetje të konsumatorëve të cenueshëm të energjisë për vitin 2025, për të përfituar mbështetje financiare përmes vauçerit për blerjen dhe instalimin e një kondicioneri inverter.
Bëhet fjalë për fazën e dytë të procedurës tashmë të përfunduar. Të drejtë për këtë mbështetje kishin ekskluzivisht amvisëritë që deri më së voni më 5 tetor 2025 kishin paraqitur kërkesë, kishin dorëzuar dokumentacion të plotë dhe kishin përmbushur kushtet e përcaktuara në Programin për mbrojtjen e konsumatorëve të cenueshëm të energjisë.
Lista e qytetarëve që kanë fituar të drejtën e mbështetjes është publikuar në faqen e internetit të Ministrisë.
Nga 18 mars 2026 deri më 17 prill 2026, personat që gjenden në listë do të mund t’u drejtohen qendrave ndërkomunale për punë sociale në komunën ku jetojnë, ku do të duhet të tërheqin vauçerët. Ndërkohë, në faqen e Ministrisë së Energjisë, Minierave dhe Burimeve Minerale është e specifikuar saktësisht dokumentacioni i nevojshëm dhe rrjedha e procedurës për tërheqjen e tyre.
https://energy.gov.mk/mk-MK/odnosi-so-javnost/javni-oglasi/javen-povik-za-realizacija-vaucer-za-kupuvanje-i-vgraduvanje-na-inverter-klima-ured
Për informacion shtesë, nëse kërkohet, personat e kualifikuar mund të kontaktojnë gjithashtu numrat e mëposhtëm të telefonit dhe emailit:
071-391-187
071-391-169
Afati për tërheqjen e vauçerit është 30 ditë nga dita e publikimit. Pas tërheqjes, vauçeri mundëson blerjen dhe instalimin e një kondicioneri inverter me fuqi 3,5 kW dhe me klasë energjetike të paktën A+, ndërsa mund të shfrytëzohet më së voni deri më 15 tetor 2026.
Ministria në ditët në vijim do të publikojë edhe listën e kompanive me të cilat janë lidhur kontrata, ku qytetarët do të mund t’i shfrytëzojnë vauçerët e tyre. Konsumatorët e cenueshëm do të zgjedhin kondicionerin nga ofertat e këtyre kompanive pa pagesë shtesë, ndërsa vlera e vauçerit është deri në 28.000 denarë.
Ministria thekson edhe një herë se ky njoftim u referohet vetëm qytetarëve që tashmë kanë aplikuar në thirrjen publike në vitin 2025, dhe përfaqëson fazën përfundimtare të realizimit të mbështetjes. Në kuadër të kësaj thirrjeje do të ndahen gjithsej 4.070 vauçerë.
Me këtë masë, shteti vazhdon të mbështesë kategoritë e cenueshme të qytetarëve, përmes uljes së shpenzimeve për energji dhe përmirësimit të efikasitetit energjetik në amvisëri.
Ме respekt,
Ministria e Energjisë, Minierave dhe Burimeve Minerale
