Shoqata e Prokurorëve Publikë kërkon që Kuvendi i RMV-së të tërheqë nga rendi i ditës ndryshimet e propozuara në Ligjin për pagat e prokurorëve, përcjell TV21. Në komunikatën e tyre, Shoqata thekson se pagat aktuale të prokurorëve në Maqedoni janë më të ulëtat në rajon, duke u luhatur nga 90,000 deri në 130,000 denarë, rreth 1,500 – 2,100 euro.
Për krahasim, thonë se pagat mesatare të prokurorëve në vendet e tjera të rajonit janë: Serbia: 1,600 – 4,000 euro, Mali i Zi: 1,600 – 4,700 euro, Shqipëria: 1,600 – 3,000 euro, Bullgaria: rreth 3,000 euro plus bonus vjetor.
Shtojnë se çdo ulje e mëtejshme cenon pavarësinë e tyre.
Po ashtu, Shoqata njofton se Gjykata Kushtetuese tashmë ka nisur procedurë për vlerësimin e kushtetutshmërisë së ndryshimeve të fundit të ligjit. Shoqata kërkon që ndryshimet të rishikohen në detaje përpara se të procedohen më tej.
