Prindërit e viktimave në zjarrin në Koçani dolën para sallës së gjyqit në Idrizovë, pak para fillimit të seancës gjyqësore, me një pankartë me fotot viktimave. Përmes kësaj pankarte ata thonë se duan t’u kujtojnë të pandehurve për të gjithë fëmijët që ata personalisht i vranë dhe t’u kujtojnë atyre se ata janë fajtorë për vdekjet e tyre, megjithëse asnjë nga të pandehurit në seancën e parë nuk e pranoi fajësinë.
Pronari i “Pulsit” potencoi se është kujdesur për mysafirët, duke shtuar se nëse do ta dinte se kishte të meta, do t’i kishte hequr Avokatja e tij mbrojtëse, avokatja Ivana Kocevska, tha se klienti i saj nuk dinte për piroteknikën dhe se ajo ishte futur nga grupi i DNA-së. Ajo tha gjithashtu se institucionet nuk kryen kontrolle në ndërtesë për të treguar ndonjë të metë të mundshme. Në këtë drejtim, sipas saj, Jovanov nuk ishte në dijeni se mund të kishte pasoja, prandaj vepra për të cilën akuzohet nuk mund të konsiderohet se është kryer me dashje.
Mbrojtja e pronarit të “Puls” fajin për zjarrin ia hedh grupit DNA dhe institucioneve. Deri më tani, pesë nga të pandehurit kanë hedhur fajin njëri-tjetrit, si dhe institucioneve për mosreagimin në kohë. Përveç pronarit, vëllait dhe djalit të tij, për zjarrin në “Pulse” akuzohen ish-ministra, drejtorë institucionesh dhe inspektorë.
