Ministria e Punëve të Brendshme i njofton qytetarët se nga nesër (01.02.2026) fillon funksionimi i sistemit “Qyteti i Sigurt”. Sistemi do të nisë të zbatohet në territorin e qyteteve Shkup, Kumanovë dhe Tetovë, si dhe në Korridoret 8 dhe 10, me çka do të fillojë sanksionimi i qytetarëve të cilët kanë kryer kundërvajtje të evidentuara nga kamerat.
Në fazën e parë, sistemi do të detektojë katër kundërvajtje tipike në trafik:
• parkim i parregullt;
• drejtim i automjetit me shpejtësi më të madhe nga e parapara;
• kalim në dritë të kuqe;
• drejtim i automjetit me leje qarkullimi me afat të skaduar të vlefshmërisë.
Sistemi “Qyteti i Sigurt” është një investim jashtëzakonisht i rëndësishëm për sigurinë e të gjithë qytetarëve dhe të shtetit në tërësi; do të shpëtojë jetë njerëzish, do të rregullojë trafikun, si dhe do të sanksionojë të gjithë ata që nuk duan t’i respektojnë rregullat dhe rregulloret e trafikut, në dëm të vetes dhe të pjesëmarrësve të tjerë në trafik. Kamerat janë vendosur në pikat kritike të trafikut ku shpesh ndodhin kundërvajtje rrugore.
MPB apelon te qytetarët që të respektohen rregullat dhe rregulloret e trafikut dhe së bashku të kontribuojmë për rrugë më të mira, më të sigurta dhe më të mbrojtura në gjithë vendin.
https://www.facebook.com/share/v/1EN1FrsPPP/
