Humbja kundër Bayer Leverkusenit në vikend ia ka lëkundur seriozisht pozitën e trajnerit Thomas Tuchelit te Bayern Munichu.
Tekniku gjerman pësoi humbjen e tretë të sezonit me Bayernin në Bundesliga, humbje kjo e cila e lë kampionin gjerman pesë pikë larg vendit të parë, Bayer Leverkusenit, raporton KosovaPress.
Gjithashtu, humbja ndaj Bayerit ngriti spekulime të shumta, që Tuchel nuk e ka të sigurt pozitën e tij te Bayerni.
Tani, Tuchel ka reaguar për këto spekulime, duke thënë se ai nuk po ndjen presion te kampioni gjerman.
“Jo, nuk po ndjej asnjë rritje të presionit. Është e domosdoshme të kesh vetëbesim, është e domosdoshme të jesh vetëkritik. Sa më e madhe bëhet zhurma, aq më i fortë bëhet presioni, dhe më e rëndësishme bëhet të qëndrosh i qetë”, tha Tuchel.
