Iu desh të priste plot 6 vite të gjatë. Mark Markez ndoshta edhe vetë nuk besoi në rikthimin në majë, por tashmë ky është një realitet.
Piloti I jashtëzakonshëm spanjoll e fitoi më në fund titullin kampion të botës në Moto GP, në klasin më të lartë të garave të motoçiklizmit, duke barazuar edhe një rekord të madh.
Edhe pse garën e fitoi italiani Banjaja, asgjë nuk mundi ta ndalte Markezin që doli I dyti dhe arriti në kuotën e 541 pikëve.
Banjaja ka gati 200 pikë më pak.
Kjo do të thotë se e fitoi Botërorin pesë gara përpara fundit.
Tridhjetedyvjeçari ishte shpallur për herë të fundit kampion në 2019, ndërsa ka gjithsej 7 tituj në Moto GP, duke arritur legjendën italiane, Valentino Rosi.
Jo vetëm kaq, pasi ai ka 9 tituj gjithsej, një në klasin 125 kubik dhe një në klasin 250 kubik.
Edhe Rosi ka pikërisht këto statistika.
Pritet që sezonin e ardhshëm, nëse nuk do të ketë ndonjë problem madhor, Markez mund ta tejkalojë të mbiquajturin “Doktori”.
Këtë vit, ai ka arritur 12 fitore, ndonëse në Moto GP është ende 16 fitore prapa Rosit, diçka që edhe mund ta barazojë e ta kalojë.
