Në katër komuna procesi zgjedhor do të përsëritet, për shkak se jo mjaftueshëm qytetarë dolën për të shprehur vullnetin e tyre të dielën. Në mesin e tyre është edhe një komunë urbane, Gostivari, në të cilat nuk arritën të dalin mjaftë qytetarëve në votime.
Komunat ku nuk u përmbush kushti:
Gostivar – 33.31%
Mavrovë Rostushë – 30.31%
Vrapcisht – 25.18%
Qendër Zhupë – 21.49%
Nga KSHZ-ja thanë se në këto komuna, duhet të përsëritet procedura zgjedhore.
“Në këto katër komuna nuk është plotësuar census ligjor për daljen e të paktën 1/3 se votuesve të regjistruar në atë komunë prandaj përsëritet gjithë procedura zgjedhore në afat prej 60 ditësh që nga dita e publikimit të rezultateve përfundimtare të KSHZ-së”, tha Boris Kondarko, Kryetar i KSHZ-së.
Në procesin e përsëritur, nuk parashihet census, që dmth se kurdo që të mbahen zgjedhjet nuk ka kusht për numrin e votuesve që duhet të dalin.
“Zgjedhjet e përsëritura të përmendura në nenin 132 paragrafi (2) për komunën përkatëse mbahen jo më vonë se 60 ditë pas shpalljes së rezultateve përfundimtare, me ç’rast kushti i parashikuar në nenin 132 paragrafi (1) të këtij Kodi në lidhje me pjesëmarrjen e një të tretës së numrit të përgjithshëm të votuesve të regjistruar… nuk zbatohet”, thuhet në Kodi Zgjedhjet, Neni 132-a
Kodi zgjedhor parashikon zgjidhje të përkohshme. Qeveria do të duhet të emerojë të besueshmin e saj në komunat në të cilat dështoi procesi zgjedhor. Afatet dhe procedura për këtë fillon pas mbylljes së rezultateve përfundimtare zgjedhore.
Nuk dihet akoma nëse dispozitat për emërimin e të besueshmit të qeverisë vlejnë edhe për Gostivarin sepse kreu aktual i kësaj komune veçmë është i zgjedhur si i besueshëm I qeverisë dhe nuk është zgjedhur në zgjedhje të rregullta. / Alsat.mk
