Gjatë javës së ardhshme pritet VLEN të shpallë marrëveshjen përfundimtare rreth rregullave dhe parimeve sipas të cilave ky koalicion do të funksionojë pasi të transformohet në parti politike.
Siç mëson INA, tani për tani thuajse janë tejkaluar të gjitha mosmarrëveshjes, sidomos mospajtimet nga Alternativa dhe një pjesë e ASH-së që janë pjesë e koalicionit.
Marrëveshja është definitive sa i përket asaj se tashmë liderët dihet se do të jenë Bilall Kasami dhe Izet Mexhiti, që do të funksionojnë në krye të partisë si bashkëkryetarë, ndërsa njerëzit e parë të subjekteve të tjera të jenë nënkryetarë ose sekretar gjeneral, dhe me këtë të jenë pjesë e kryesisë më të ngushtë.
Nga një nënkryetar do ta kenë Alternativa dhe fraksioni i ASH-së, ndërsa sekretari gjeneral do t’i takoj Bekim Qokut nga Lëvizja Vetëvendosje, i cili njëherit është edhe shef i grupit parlamentar të VLEN-it. Kryesia apo organi vendimarrës pritet të përbëhet nga një kryesi e ngushtë jo më shumë se 5-10 veta, ndërsa do të ketë sekretariate si sekretar organizativ që do t’i besohet Adnan Azizit, sekretar për marrëdhënie ndërkombëtare ASH-së, që deri tani nuk dihet emri, dhe se sekretari për marrëdhënie me publikun, Driton Sulejmani. Këto emra po qarkullojnë jozyrtarisht si pjesë e këtij ekipimi të ri. Por, gjithashtu do të ketë edhe sekretariate të tjera që do të përfshihen përfaqësues nga subjektet e tjera politike.
Kryesia e Ngushtë: Dy bashkëkryetarët (Besa dhe LD) do të jenë bashkë me krerët e ASH-së, Alternativës dhe përfaqësuesin e Vetëvendosjes.
Vendimmarrja: Vendimet merren me konsensus ose me shumicë absolute prej 4 votash kundrejt 1.
Zgjidhja e Bllokadave: Nëse nuk arrihet marrëveshje në kryesi, atëherë vendoset në kuadër të Kuvendit të partisë me shumicë prej dy të tretave.(INA)
