Një avion pasagjerësh dhe një helikopter ushtarak janë përplasur në SHBA, pranë aeroportit kombëtar të Uashingtonit.
Shefi i zjarrfikësve që ndodhen në terren është shprehur se avioni ka rënë në lumë, teksa në bord ndodheshin 64 persona.
Për sa i përket të mbijetuarve, ai ke deklaruar se është e paqartë nëse ka të tjerë, por po punojnë për të gjetur viktimat.
“Ne nuk e dimë nëse ka të mbijetuar“, tha ai, duke shtuar se po kujdesen që të ruajnë provat.
“Ne do të rivlerësojmë se ku jemi me operacionin e shpëtimit gjatë mëngjesit, kur ta kuptojmë më mirë“, ka vijuar më tej ai .
