Pas një aksioni intensiv që zgjati tri ditë, në Komunën e Çairit ka përfunduar me sukses pastrimi i të gjitha rrugëve kryesore dhe rrugicave anësore në territorin e saj.
Gjatë këtij aksioni nga NP Higjiena Komunale janë mbledhur gjithsej 625 metra kub mbetje, duke i dhënë një pamje të re dhe më të pastër lagjeve të kësaj komune.
Ndryshe, gjatë ditës së djeshme kryetari i Çairit Izet Mexhiti duke dhënë hollësi për rrjedhën e pastrimit të komunës paralajmroi se këtu së shpejti do të vendosen kontejnerët nëntokësorë, një sistem modern, i pastër dhe efikas, që do t’i japë fund pamjes së mbeturinave të shpërndara dhe erës së keqe që e ka lodhur qytetin.
Ai tha se ky është standardi i ri që po vendoset në Komunën e Çairit.
