Përfaqësuesit e Saubermacher Tetovë realizuan takim me Muftiun e Tetovës, Dr. Selver ef. Xhemaili, me qëllim theksimin e rëndësisë së pastërtisë si vlerë fetare, shoqërore dhe mjedisore, si dhe rolin e saj në rritjen e ndërgjegjësimit publik dhe përgjegjësisë qytetare ndaj mjedisit.
Në kuadër të këtij takimi, në bashkëpunim me Muftininë e Tetovës dhe në koordinim me imamët, u dakordua që në hytben e ditës së premte, në të gjitha xhamitë e territorit të komunës së Tetovës, të rekomandohet mbajtja e ligjëratës me temë pastërtinë, duke theksuar rëndësinë e parimit që lidh besimin, përgjegjësinë shoqërore dhe mbrojtjen e mjedisit.
Duke u nisur nga fakti se pastërtia përbën një nga shtyllat më të rëndësishme në çdo besim, Saubermacher Tetovë ka realizuar shpërndarjen e broshurave informuese në të gjitha objektet fetare, lidhur me regjistrimin në platformat online të kompanisë, me qëllim lehtësimin e procesit të pagesave për qytetarët, si për ata që jetojnë në vend, ashtu edhe për ata që ndodhen jashtë shtetit. Përveç shpërndarjes së fletushkave infromuese për çdo objekt fetar nga Saubermacher Tetovë është shpërndarë edhe kantë për mbeturina.
Përmes këtij aktiviteti, qytetarët informohen për mënyrën e regjistrimit dhe përdorimit të platformave digjitale të Saubermacher Tetovë, të cilat mundësojnë pagesa të shpejta, të sigurta dhe të qasshme nga çdo vend. Kjo iniciativë synon të rrisë ndërgjegjësimin publik për përgjegjësinë individuale dhe kolektive ndaj mjedisit, si dhe të përforcojë modernizimin e shërbimeve komunale përmes përdorimit të mjeteve digjitale.
Poashtu, i ftojmë qytetarët që për çdo nevojë të tyre të drejtohen në zyrat e Saubermacher Tetovë: në zyrën pranë Shkollës “Liria” në Tetovë, në hapësirat e NPK Tetova, si dhe në zyrat kryesore në fshatin Pallçisht i Poshëm, rr.101, nr.10. Gjithashtu, mund të kontaktoni në numrin e telefonit 08000-8000 ose në e-mail adresën: [email protected].
Saubermacher Tetovë falenderon Muftininë e Tetovës dhe të gjitha bashkësitë tjera fetare për bashkëpunimin dhe mbështetjen në këtë iniciativë në shërbim të qytetarëve dhe mjedisit jetësor.
Pastërtia si vlerë e përbashkët,takim mes “Saubermacher” Tetovë dhe Muftinisë së Tetovës
