Pas më shumë se 30 viteve, stacioni i vjetër policor Butel, i cili ka qenë në objektin e vjetër, është shpërngulur në objekt të ri dhe nëpunësit policorë tani kanë kushte adekuate për punë. Objekti i stacionit të vjetër policor dhe ai afër tij do të rënohen dhe në atë vend do të ndërtohet një mega shesh me Shtëpi të kulturës.
Kryeministri Hristijan Mickoski, i cili sot mori pjesë në hapjen e stacionit të ri në Butel, iu falënderua nëpunësve policorë për durimin e tyre që e kanë pasur gjatë dekadave të fundit, duke punuar në objekt të vjetër në kushte substandarde.
“Kryetari i komunës dhe ministri i Punëve të Brendshme e thanë atë që ishte me rëndësi të thuhej, respektivisht ku kanë punuar policët për më shumë se 30 vjet, çfarë do të ketë në vend të atyre barakave, ku do të ndërtohet parku, shtëpia shumëfunksionale kulturore apo gjithçka që duhet bërë, që paraqet vlerë e shtuar këtu në Butel. Në përgjithësi, i thanë të gjitha parametrat teknikë, dua vetëm t’i falënderoj policët për durimin e tyre gjatë dekadave të fundit. Disa filluan të punojnë këtu dhe dolën në pension në ato kushte, e patë ku punuan, ato janë standarde që i ngjajnë gjithçkaje tjetër, vetëm jo një objekti të stacionit stacioni policor”, tha kryeministri Mickoski.
Duhet, shtoi ai, shumë durim për gjithë këtë dhe për t’iu përgjigjur detyrave, të cilat ishin të përditshme.
Kryetari i komunës së Butelit, Darko Kostovski ka shprehur kënaqësi që, siç tha, stacioni i vjetër policor po zëvendësohet me një objekt të ri për nëpunësit policorë.
Ai ka shprehur falënderim për Qeverinë dhe Ministrinë e Punëve të Brendshme që kanë mbledhur forca, para së gjithash nëpunësve policorë t’u sigurojnë kushte më cilësore për punë, e gjithsesi edhe për qytetarët kushte më të mira nëse kanë nevojë për policinë.
Ministri i Punëve të Brendshme, Pançe Toshkovski i shprehu falënderim kryeministrit, kryetarit të Komunës së Butelit, ministrit dhe zëvendësministrit të Politikës Sociale, Demografisë dhe Rinisë, sepse, siç theksoi, me përpjekje të përbashkëta në rreth një vit e gjysëm, arritën të ndryshojnë kushtet e mjerueshme në të cilat qytetarët, e veçanërisht nëpunësit policorë, kanë funksionuar më shumë se 30 vjet.
