Parlamenti i Bullgarisë miratoi zyrtarisht të enjten një qeveri koalicioni të udhëhequr nga partia e qendrës së djathtë GERB, duke vendosur përfundimisht një administratë gati tre muaj pas zgjedhjeve.
Ligjvënësit votuan 125-114 për të zgjedhur Rosen Zhelyazkov, një avokat dhe ish-kryetar i parlamentit, si kryeministër. 56-vjeçari ka shërbyer si ministër në disa qeveri të mëparshme.
Zhelyazkov është zotuar të rivendosë stabilitetin financiar dhe ta mbajë Bullgarinë në rrugën pro-BE dhe pro-NATO-s.
“Qeveria do të ketë prioritet cilësinë e jetës për njerëzit me fokus arsimin dhe kujdesin shëndetësor,” tha ai gjatë ceremonisë.
Partia zgjodhi Zhelyazkov mbi udhëheqësin e saj, Bojko Borisov, i cili drejtoi tre qeveri midis 2009 dhe 2021. Kabineti i tij i tretë dha dorëheqjen pas protestave të mëdha kundër korrupsionit.
