Një tërmet me magnitutdë 6.2 të Rihterit ka goditur të mërkurën qytetin më të madh të Turqisë, Stambollin.
Nuk dihet ende nëse ka viktima, teksa është raportuar për lëkundje të fuqishme të ndërtesave në qytetin që ka një të pestën e popullsisë së Turqisë.
Qendra Gjermane Kërkimore për Gjeoshkencat (GFZ) thotë se tërmeti ishte në një thellësi prej 10 km.
Presidenca e Menaxhimit të Fatkeqësive dhe Emergjencave të Turqisë ka raportuar për disa tërmete në Stamboll të mërkurën.
I pari është me magnitudë 3.0 dhe ka goditur bregdetin e rrethit Silivri në orën 12:13.
I dyti është me magnitudë 6.2 ballë dhe ka goditur të njëjtën zonë në orën 12:49, teksa tërmeti i tretë me magnitudë 4.4 në lagjen Buyukcekmece të Stambollit ka goditur në orën 12:51.
Tërmeti raportohet të jetë ndierë edhe në Ankara.
VIDEO:
🚨🇹🇷 ALERTE INFO | Un TREMBLEMENT DE TERRE de magnitude 6,2 vient de frapper Istanbul, en Turquie.
— Cerfia (@CerfiaFR) April 23, 2025
The moment of the 6.2 magnitude earthquake that occurred in Istanbul today at 12:13 was recorded like this in the Marmara Sea…
— Tansu Yegen (@TansuYegen) April 23, 2025
