Qyteti i Shkupit paraqiti kallëzim penal kundër kryetares së Bordit drejtues të NP „Higjiena Komunale“, Julijana Spiroska, për rrezikim të mjedisit jetësor. Në kallëzim thuhet se për shkak të aktiviteteve të saj dhe obstruksioneve të motivuara politikisht, ndërmarrja më shumë se tre vite nuk e mirëmban higjienën në qytet. Spiroska është kuadër i VMRO-DPMNE-së. Më herët sot, Komuna Aerodrom gjithashtu paraqiti kallëzim penal kundër „Higjiena Komunale“ sepse dhjetë ditë nuk e kishte mbledhur mbeturinën në disa lokacione në komunë. Nga Qyteti porositën se kjo nuk është vetëm çështje e mbeturinës, por edhe e dinjitetit, shëndetit dhe së ardhmes.
Lajmet e fundit
