Organizata e Veteranëve të Luftës së Ushtrisë Çlirimtare të Kosovës (OVL e UÇK-së) ka kërkuar shkarkimin e menjëhershëm të kryetarit të Kuvendit të Kosovës, Dimal Basha, lidhur me bashkëautorësinë e tij në një artikull që shkruan kundër UÇK-së.
Në një konferencë për media, OVL e UÇK-së ka bërë thirrje që institucionet e vendit të ndërmarrin menjëherë shkarkimin e Bashës, si dhe të nisë një hetim nga Prokuroria e Shtetit të Kosovës, transmeton Klankosova.tv.
“Kategoritë e dala nga lufta e UÇK-së kërkojnë nga deputetët e Kuvendit të Kosovës që të shkarkojnë menjëherë Dimal Bashën dhe të nisin hetimet nga Prokuroria. Arsyeja për këtë kërkesë është e qartë, pjesëmarrja në fushata propagandistike kundër UÇK-së dhe Kosovës, si dhe lidhjet personale dhe bashkëpunimi me persona të dyshimtë, përfshirë bashkëpunëtorë nga Maqedonia e Veriut, që cenojnë integritetin tonë.OVL kërkon veprime të menjëhershme, iu njoftojmë se nëse nuk përfillen kërkesat tona, ne si kategori, obligohemi të ndërmarrim veprime të tjera, për të cilat do të iu njoftojmë me kohë”, tha Gucati./Klankosova.tv.
