Punonjësit policorë të Departamentit Policor të Gallatës kanë ndaluar dy persona nga rajoni i Gostivarit, të dyshuar për organizimin e luftimeve të paligjshme të qenve në afërsi të fshatit Vrapçisht.
Sipas njoftimit të SPB Tetovë, rreth orës 13:00, në fshatin Vrapçisht është privuar nga liria S.J. (51), banor i këtij fshati. Më pas, rreth orës 21:15, në Stacionin Policor të Gostivarit vetë është paraqitur edhe personi M.M. (32) nga fshati Çegran, i cili po ashtu dyshohet se ka qenë i përfshirë në rastin e raportuar më herët.
Një ekip nga Departamenti i Punëve të Brendshme Gostivar ka kryer këqyrje në vendin e ngjarjes, ku janë gjetur gjurmë dhe sende që lidhen me organizimin e luftimeve të qenve.
Të dy personat janë ndaluar në stacionin policor, ndërsa pas dokumentimit të plotë të rastit, do të ngriten parashtresat përkatëse për vepër penale që lidhet me keqtrajtim të kafshëve dhe organizim aktivitetesh të ndaluara.TS
