Më 10 shkurt në orën 19:30, me ftesë të komunës së Çairit, skena e Operës dhe Baletit Kombëtar në Shkup do të mirëpresë operën e parë kosovare “Goca e Kaçanikut”.
Kjo vepër madhështore e kompozuar nga Rauf Dhomi, me regji të mjeshtrit Nikolin Gurakuqi dhe nën dirigjimin e Edon Ramadani, vjen e interpretuar me emocion të veçantë nga solistët, kori dhe orkestra e Operës së Kosovës dhe Baletit Kombëtar të Kosovës.
Kjo ngjarje kulturore e rrallë, pritet midis tjerash t’i dhurojë Shkupit një mbrëmje të paharrueshme me artin e operës kosovare.
