Një shqiptar në Itali ka përplasur me makinë partneren, pasi nuk kishte pranuar dot ndarjen nga ajo.
Kanë qenë kamerat e sigurisë, të shpërndara nga mediat italiane, të cilët kanë filmuar momentin kur shqiptari 50-vjeçar ka ecur me shpejtësi me makinën e tij.
Më pas ka përplasur 41-vjeçaren, në rrugën e këmbësorëve të Novi Ligure, në provincën e Alessandria.
Ngjarja ndodhi mëngjesin e së martës, teksa autori me profesion zdrukthëtar, pa precedentë penalë, tentoi të shtypte ish-partneren tij.
50-vjeçari ka përplasur lulet që ndodheshin në anë të rrugës, teksa ka shpëtuar pa u përplasur gruaja.
41-vjeçarja, po ashtu nga Shqipëria, u ul në tokë, ndërsa 50-vjeçari ka zbritur nga automjeti dhe ka nisur ta godasë.
Ajo u shpëtua nga një rreshter policie në pension, i cili e kuptoi se çfarë po ndodhte dhe ndërhyri menjëherë për të ndaluar shqiptarin. Pas kësaj ngjarjeje ajo u dërgua në spital.
