Një polic në qytetin Bengaluru të Indisë, nuk e ka njohur këngëtarin e famshëm 33-vjeçar, Ed Sheeran dhe kështu ia ka shkëputur mikrofonin teksa ai po këndonte.
Sheeran po këndonte hitit të tij të madh “Shape Of You” kur polici iu afrua dhe një fans që shikonte performancën në rrugë ishte përpjekur t’i shpjegonte policit se ai ishte këngëtari i famshëm britanik, por ai vazhdoi i pandikuar, duke i hequr spinën mikrofonit që ishte te këmbët e 33-vjeçarit.
Në një postim në Instagram, artisti britanik tha: “Ne kishim leje, kështu që fakti që po luanim pikërisht në këtë vend ishte planifikuar paraprakisht, nuk ishim se u shfaqëm rastësisht”.
Sheeran është në Indi për të dytin vit radhazi në një turne 15-ditor, i cili në shfaqjen e tij në Bengaluru, befasoi fansat duke kënduar dy këngë lokale hit në gjuhën telugu me këngëtaren Shilpa Rao në skenë.
Kërkesa për koncerte të muzikës live është rritur në Indi, pas performancës së fundit të Dua Lipës në Mumbai dhe turneut të Coldplay në shumë qytete.
