Në një aksident trafiku që ka ndodhur pasditen e sotme në magjistralen Tetovë-Gostivar në afërsi të “kryqëzimi i Negotinës”, një grua e ka humbur jetën dhe dy të tjerë janë lënduar rëndë.
Zëdhënësi i SPB Tetovë, Fatmir Rexhepi, ka konfirmuar për MIA-n se janë përplasur një automjet i udhëtarëve “pezho” me targa të Ohrit, i drejtuar nga G.V. (47) nga Ohri, dhe një automjet “Mercedes” me targa kombëtare sllovene, i drejtuar nga A.A. (19) nga Gostivari.
“Në aksident në vendngjarje ka ndërruar jetë udhëtarja e automjetit “pezho” D.M (81) nga Ohri. Lëndime të rënda kanë marrë shoferi dhe udhëtari tjetër, të gjithë nga Ohri, të konstatuara në repartin e urgjencës të spitalit të Gostivarit”, tha zëdhënësi Rexhepi.
Gjatë intervenimit të ekipeve të shpëtimit dhe ambulancave, trafiku në këtë pjesë të rrugës (në drejtim të Gostivarit nga kryqëzimi i Negotinës) është ndërprerë dhe automjetet janë duke u devijuar përgjatë rrugëve ndihmëse.
Këqyrje të vendit të aksidentit po kryen një ekip i Drejtorisë së Punëve të Brendshme të Gostivarit në bashkëpunim me prokurorin publik.
