Ministria e Punëve të Brendshme ka dhënë detaje për aksidentin që ndodhi në Shkup, ku një 74-vjeçar humbi jetën si pasojë e goditjes që mori nga një motoçiklist, transmeton TV21.
“Më datë 08.06.2024 rreth orës 12:20 në SPB Shkup është denoncuar se në bulevardin “Kërste Misirkov” në afërsi të udhëkryqit me bulevardin “Goce Dellçev” në Shkup, një motoçiklist me “Honda” me targa të Shkupit, me ngasës E.S.(26) nga Shkupi ka sulmuar këmbësorin A.I. (74) nga Shkupi. Pas lëndimeve të marra në vendin e fatkeqësisë ka ndërruar jetë A.I., kurse nga ana e mjekut të Ndihmës së Shpejtë është konstatuar vdekja”, thuhet mes tjerash në njoftimin e MPB-së.
Nga atje shtojnë se motoçiklisti ka pësuar lëndime trupore, ndërkaq hetime në vendin e ngjarjes ka kryer prokurori publike dhe ekipi i Sektorit të Punëve të Brendshme në Shkup.
