Para fillimit të sezonit turistik, Maqedonia e Veriut dhe Shqipëria do të aplikojnë kontrollin e përbashkët kufitar “One Stop Shop”, njëjtë si në Bllacë dhe Tabanoc. Pikat tjera kufitare mes dyja vendeve që funksionojnë me orare të kufizuara, do të vihen në funksion 24/7.
“Ekipet tona punojë intenzivisht në të gjitha përgatitjet për dokumentet e nevojshme që ky sistem të hy në fuqi. Punohet në mënyrë operative dhe plotësuese nga dyja ekipet për formën se si do të zbatohet në pikat tona kufitare”, tha Pançe Toshkovski, Ministër i Brendshëm.
Ministrja e Brendshme e Shqipërisë, Albana Koçiu tha se policia dhe kontrolli doganorë do të funksionojnë bashkërisht në një pikë dhe do të jenë në shërbim 24/7.
“Për këtë arsye lehtësimi i procedurave për qytetarët por edhe për biznesin është jo vetëm diçka e zgjuar, por është edhe diçka shumë praktike të cilën e bëjnë në funksion të së ardhmes sonë të përbashkët”, deklaroi Albana Koçiu, Ministre e Brendshme e Shqipërisë.
Vitin e kaluar Shqipëria dhe Maqedonia e Veriut kanë regjistruar 5 milion kalime dhe 1,8 milion automjete. Me vendosjen e sistemit “One Stop Shop”, pritet që koha kontrollit kufitarë të përgjysmohet. /Alsat.mk
