Liderët e VLEN, Izet Mexhiti, Arben Fetai, Bilall Kasami dhe Zeqirija Ibrahimi sot së bashku me banorët e fshatit Sllupçan, i dhanë përkrahje të fuqishme kandidatit tonë të pathyeshëm për kryetar të Komunës së Likovës, profesor Nexhmedin Sadiku.
Në një atmosferë entuziazmi dhe vendosmërie, liderët e VLEN dërguan mesazhin e qartë: Likova nuk ka më kohë për stagnim! VLEN dhe Nexhmedin Sadiku janë garancia për menaxhim të ndershëm, zhvillim dhe dinjitet për çdo familje të kësaj komune!
“Jemi këtu për të promovuar një nga kandidaturat më të sigurta të kësaj gare. Profesori Nexhmedin Sadiku është njeriu i duhur që do të menaxhojë me efikasitet, do të realizojë projektet dhe do të shërbejë me ndershmëri. Ky mesazh duhet të shkojë në çdo shtëpi të Likovës, sepse bashkë do ta bëjmë ndryshimin e madh!”, theksuan liderët e VLEN.
Edhe vetë kandidati ynë, profesor Sadiku, dha zotimin e tij para qytetarëve. “Kandidatura ime është një mundësi për të ripërsëritur historinë e lavdishme të këtij vendbanimi. Sllupçani ka dëshmuar sakrificë dhe përkushtim, dhe unë do të jem përfaqësuesi i denjë për fshatin tim dhe për gjithë Komunën e Likovës”, tha ai.
VLEN po ecën me hapa të sigurt drejt fitores bashkë me qytetarët, bashkë me historinë, bashkë për një të ardhme që i takon Likovës! Likova zgjedh ndryshimin, Likova zgjedh Nexhmedin Sadikun!
